Archive for the ‘ઈન્ટરનેટ’ Tag

સાઈટને સ્પષ્ટ બનાવો.   Leave a comment

આ પહેલાની પોસ્ટમાં મેં ગ્રીઝમંકી વિષે જણાવ્યું જ છે. હવે શરૂ કરીએ એની સ્ક્રીપ્ટ્સ વિષે.

ક્યારેય એવું બન્યું છે કે કોઈ સાઈટના અક્ષરો તેના બેકગ્રાઉન્ડ સાથે ભળી જતા હોય? દા.ત. સફેદ બેકગ્રાઉન્ડમાં આછા ગ્રે અક્ષરો. આવી સાઈટને બરાબર વાંચી શકાતી નથી. આ સાઈટને સ્પષ્ટ કરવા માટે ગ્રીઝમંકી ઈન્સ્ટોલ કરેલું હોય તો માત્ર આ એક સ્ક્રીપ્ટ ઈન્સ્ટોલ કરવાની રહે છે –Make site visible

આ સ્ક્રીપ્ટ જ્યારે ઈનેબલ્ડ હોય ત્યારે કોઈપણ સાઈટ પર જઈને Alt+M દબાવતાં જ જે-તે સાઈટના અક્ષર સ્પષ્ટ બને છે. કરી જૂઓ ટ્રાય 🙂

જ્યારે આ સ્ક્રીપ્ટની જરૂર ન હોય ત્યારે ફાયરફોક્સની વિન્ડોમાં નીચેની જમણી બાજુના ખૂણામાં ગ્રીઝમંકીના આઈકન પર રાઈટ ક્લીક કરી, મેનુમાંથી Make Site Visible પર ક્લીક કરી તેને ડીસેબલ કરી શકાય છે.

લોંગ યુ આર એલ પ્લીઝ!   2 comments

જ્યારે પણ લિંક આપવી હોય ત્યારે જો લિંક બહુ લાંબી થઈ જતી હોય, ત્યારે tinyurl.com નો ઉપયોગ કરીને લિંકને ટૂંકી કરી નાખવાની રીત જાણીતી છે.

પણ આવી કોઈ લિંક ક્યાંય વેબસાઈટ પર કે ઈમેલમાં મળે ત્યારે એ જાણવું જરૂરી છે કે એ લિંક ખરેખર ક્યાં પોઈંટ કરે છે. ક્યારેક એ લિંક ઈચ્છવાયોગ્ય નહિ એવા એડ્રેસ પર લઈ જતી હોય, તો એ લિંક શાની છે તે જાણી શકાય કે નહિ?

જો આવો પ્રશ્ન તમારા મનમાં ઉઠ્યો હોય, તો કમ સે કમ ફાયરફોક્સ વાપરનારાઓ માટે એક ઉપાય છે. ફાયરફોક્સ માટેનું એક એડ-ઓન, “લોંગ-યુઆરએલ-પ્લીઝ”. આ એડ-ઓન ફાયરફોક્સમાં ઈન્સ્ટોલ કર્યા પછી જ્યારે ફાયરફોક્સમાં કોઈ સાઈટ આવી ટૂકી કરેલી લિંક ધરાવતી હોય ત્યારે આ એડ-ઓન તેને મુળ ઓરિજનલ લિંક તરીકે બતાવશે. આમ જાણી શકાશે કે લિંક ખરેખર ક્યાં લઈ જશે.

એડ-ઓનની લિંક આ રહી:

https://addons.mozilla.org/en-US/firefox/addon/long-url-please-mod/

(નોંધ – આ એડ-ઓનના રિવ્યૂઝ જણાવે છે કે ઘણા શોર્ટ યુઆરએલ પર એ કામ નથી કરતું. પણ ઘણા રિવ્યૂ એને કામયાબ બતાવે છે. હું ઓપેરા વાપરું છું એટલે મેં ટેસ્ટ નથી કર્યું. આપના અનુભવો કોમેન્ટ્સમાં જણાવશો તો આભારી થઈશ.)